அரசின் காணிக் கொள்கைகளைத் தீர்மானித்தல் மற்றும் மாகாணக் காணி ஆணையாளர்களையும் பிரதேசச் செயலாளர்களையும் இது தொடர்பாக வழிநடத்துதல்

இலங்கைத் தேசத்தினுள் அமைந்துள்ள அரசுக்குச் சொந்தமான காணிகளின் கட்டுப்பாடு, நிர்வாகம் மற்றும் இந்தக் காணிகளைப் பல்வேறு தேவைகளின் பொருட்டு, பல்வேறான தனிநபர்களுக்கும் நிறுவனங்களுக்கும் பெற்றுக்கொடுப்பதும், அந்தக் காணிகளைப் பாதுகாப்பதும் அபிவிருத்தி செய்வதற்குமான பணிகளை மேற்கொள்வதும் இந்தத் திணைக்களத்தின் முக்கிய கடமையாகும். இதற்கேற்ப, காணிகள் தொடர்பான கொள்கைகளைத் தயாரித்தல் மற்றும் அவற்றைச் செயற்படுத்தும் முதன்மைப் பணி இத்திணைக்களத்திற்குத் தரப்பட்டுள்ளதுடன், பல்வேறு அரசுடன் இணைந்துள்ள நிறுவனங்களுக்குரிய காணிகள் சம்பந்தமான நடவடிக்கைகளை மேற்கொள்ளும் வேளைகளில் பொதுவாக இத்திணைக்களத்துடனும் கலந்தாலோசனைகள் நடைபெறுகின்றன.

இந்த அரச காணிகள் தொடர்பான கொள்கைகளைச் செயற்படுத்தப்படும்போது, இத்திணைக்களம், நிருவாக மட்டத்திலான பல அலகுகளுடன் ஒன்றிணைந்து செயற்படுகின்றது. இதன் பிரகாரம், மாகாண சபைகளின் அதிகாரத்திற்குட்பட்ட பிரதேசங்களிலுள்ள காணி நிருவாக நடவடிக்கைகள், மாகாணக் காணி ஆணையாளர் மூலமாகவும் மாகாணங்களுக்கிடைப்பட்ட நீர்ப்பாசன அபிவிருத்திச் செயற்திட்டங்களுக்குட்பட்ட காணிகள், நேரடியாக மத்திய அரசின்கீழ் காணி ஆணையாளர் நாயகத்தின் கீழ் வருகின்ற பிரதேச அலுவலர்கள் (பிரதிக் காணி ஆணையாளர்கள்) மூலமாகவும் மேற்பார்வை செய்யப்படுகின்றன. இவ்வாறாக மத்திய அரசின் காணி ஆணையாளர் நாயகம் மாகாணக் காணி ஆணையாளர் இருவரினதும் பிரதேச மட்டத்தில் கடமைபுரியும் அலுவலர் பிரதேசச் செயலாளர் ஆகும், இந்த மூன்று நிருவாகிகளும் பின்பற்றிக் கையாள்வது ஒரே சட்ட ஒழுங்கு விதிகளையே.

மாகாண சபைகளின்கீழ் காணி நிருவாகப் பொறுப்புக்கசில காட்டப்பட்டுள்ளபோதிலும் நாடு முழுவதிலும் பொதுவான ஒரு கொள்கையை கடைப்பிடிக்க வேண்டியது அவசியமாகையால், மாகாணக் காணி ஆணையாளர்களுடன் நிரந்தர தொடர்புகளைப் பேணுவதும், தேவையான சட்டரீதியான விடயங்களுக்கு ஆலோசனைச் சேவைகள் வழங்குவதும், பொதுமக்கள் நேரடியாகச் செய்யும் விசாரணைகளுக்குப் பொருத்தமான நடவடிக்கைகள் எடுப்பதும் இத்திணைக்களத்தின் முக்கிய கடமையாகப் பேணப்படுகிறது.

அரச காணிக் கட்டளைச் சட்டத்தின்கீழ், காணிகளைக் கையுதிர்த்தல் தொடர்பான நடவடிக்கை முறைகள்

அரச காணிகளை எவ்வாறான தேவைகளுக்காக எந்த அளவில் பிரசைகளுக்கும் அமைப்புக்களுக்கும் வழங்க வேண்டுமென்பதை இந்தக் கட்டளைச் சட்டம் நெறிப்படுத்துகின்றது.

ரண்பிம உறுதிகள் வழங்குதல்.

காணி அபிவிருத்திக் கட்டளைச் சட்டதிதின் 19(4)ஆம் பிரிவின் கீழ் அனுமதிப்பத்திரம் பெறப்பட்டுள்ளவரினால்இ காணி நன்கு அபிவிருத்தி செய்யப்பட்டிருப்பதுடன் அரசுக்குச் சேர வேண்டிய கொடுப்பனவுகளை அவர் செலுத்திய பின்னர், இப்பத்திரத்தைப் பெற்றுக் கொள்ள முடியும். இந்த ஆவணங்கள் காணி அமைந்துள்ள பிரிவுக்குரிய பிரதேசச் செயலாளர் அலுவலகத்தில் தயாரிக்கப்பட்டு, காணி ஆணையாளர் நாயகத்தின் திணைக்களத்திற்கு அனுப்பி வைக்கப்படும். இந்த ஆவணம் இத்திணைக்களத்தினால் பரிசோதிக்கப்பட்டு அதி உத்தம சனாதிபதி அவர்களின் கையொப்பத்திற்காக அனுப்பி வைக்கப்படும். அது கிடைத்த பின்னர், பிரதேசச் செயலாளர் மூலமாகக் காணிப்பதிவகத்தில் பதிவு செய்யப்பட்டு மூலப்பிரதி அனுமதிப்பத்திரம பெற்றுள்ளவருக்கு கையளிக்கப்படும்

1973 ஆம் ஆண்டின் 43ஆம் இலக்க காணிகள் அளிப்பு (விசேட ஏற்பாடுகள்) சட்டத்தின் கீழ், தெரிவு செய்யப்பட்டவர்களுக்கு இந்த அளிப்புப் பத்திரம் வழங்கப்படும். இவ்வளிப்புப் பத்திரம் பெற்றுக் கொள்வதற்குக் காணி நன்கு அபிவிருத்தி செய்யப்பட்டிருத்தல் வேண்டும. இந்த அளிப்புப் பத்திரத்திற்குச் சேவைக் கட்டணம் அறவிடப்படமாட்டாது. ரண்பிம அளிப்புப் பத்திரம் தயாரிக்கப்படுவது போன்றே இந்த அளிப்புப் பத்திரமும் தயாரிக்கப்படுகிறது.

காணி அபிவிருத்திக் கட்டளைச் சட்டத்தின்கீழ், கூடிய வருமானம் பெறுபவர்களுக்கு வழங்கப்பட்டுள்ள காணிகள் தொடர்பாக இந்த அளிப்புப்பத்திரம் வழங்கப்படுகிறது. இந்த செயற்திட்டத்தின் மூலம் 5 ஏக்கர்களுக்கு மேற்பட்ட விஸ்தீரணமுள்ள காணித்துண்டுகள் வழங்கப்பட்டுள்ளதுடன, அளிப்புப் பத்திரம் பெற்றுக் கொள்வதற்கு அரசுக்குச் சேர வேண்டிய கட்டணத்தை முற்றாகச் செலுத்தியும் காணி நன்கு அபிவிருத்தி செய்யப்பட்டு இருத்தலும் வேண்டும்.

• தேசிய மட்டத்திலும்
• மாகாண மட்டத்திலும்
• பிரதேச செயலாளர் பிரிவு மட்டத்திலும் நடைமுறைப்படுத்தப்படுகின்றன.